Турскиот лидер Реџеп Таип Ердоган остана без зборови кога случајно налета на лидерот на Република Српска, Милорад Додик на аеродромот во Анталија.
Се испостави дека Додик слетал само неколку моменти пред Ердоган и дека налетале еден на друг додека турскиот претседател се симнувал по скалите. Ердоган не можеше да го сокрие изненадувањето кога покрај службениците и децата кои го пречекаа со цвеќе го забележа и насмеаниот Милорад Додик.
– Во Анталија пристигнав во исто време со претседателот Ердоган. Срдечно разговаравме неколку минути – напиша Додик на својот профил на социјалната мрежа Х и додаде дека присуствувал и турскиот министер за надворешни работи Хакан Фидан.
Ердоган и Додик дојдоа во Анталија на Економскиот форум кој се одржува под покровителство на претседателот на Турција. Додик претходно најави дека целта на неговото доаѓање на Економскиот форум е зајакнување на соработката со партнерите и продолжување на економската активност.
Додик неодамна објави хит видео во кое го прославува примањето на највисокото руско одликување Орденот Александар Невски од претседателот на Русија, Владимир Путин, според стариот руски обичај.
