Хамас соопшти дека ќе продолжи да преговара преку посредници додека не постигне договор за прекин на огнот со Израел пред започнувањето на светиот муслимански месец Рамазан, пренесува Ројтерс.
„Демонстрираме потребна флексибилност за да постигнеме целосен прекин на агресијата против нашиот народ, но окупаторите сè уште го избегнуваат правото на овој договор“, соопшти групата.
Преговарачи од Хамас, Катар и Египет – но не и Израел – се во Каиро во обид да посредуваат за 40-дневно примирје во војната меѓу Израел и исламистичката група пред муслиманскиот пост Рамазан, кој започнува на почетокот на следната недела.
Договорот, ако биде постигнат, ќе значи и првото продолжено примирје во војната, која имаше само еднонеделна пауза во ноември откако започна пред пет месеци.
Десетици заложници кои ги држат милитантите ќе бидат ослободени во замена за стотици палестински затвореници.
Помошта за опколената Газа треба да се зголеми за да се спасат животите на Палестинците кои се соочуваат со глад.
Се очекува борбите да запрат навреме за да се спречи голем планиран израелски напад врз Рафах, каде што повеќе од половина од населението во Газа од 2,3 милиони е заглавено долж границата на енклавата.
Израелските сили ќе се повлечат од некои области и ќе им дозволат на жителите на Газа да се вратат во напуштените домови.
фото: МИА
