Холивудската актерка Хали Бери на својот инстаграм-профил објави за незгодата што ја доживеа додека ја соблекуваше својата смела модна комбинација. Имено, актерката мака мачела со претесниот фустан, а сè било снимено во урнебесно видео каде таа се обидува да ги задржи и смеењето и солзите.
Во еден момент од видеото, актерката праша кој е дизајнерот на модната креација со која се мачи.
„Ана Куан? Мислам дека ќе мора да го пресечеме ова“, рекла Бери смеејќи се.
Во еден момент се покажаа нејзините гради. Иако во монтажата на видеото беа покриени интимните делови, се чини дека актерката не се плаши повторно да го покаже своето тело.
Да потсетиме, на фотографијата која нејзиниот партнер Ван Хант ја сподели на Денот на мајката, Хали Бери позира гола на балконот во спалната соба.
