На интернет се прошири снимка од натпреварот на Првата Личко-Сињска регионална лига во Хрватска на која минатата недела играа екипите на Плитвице и Соколац од Брињ.
На видеото снимено од трибинитe може да се види како еден од навивачите пука со импровизиран рачен ракетен фрлач, сличен на „зоља“, позната од војните на просторите на поранешна Југославија. Навивачот ја испукал гранатата во правец на играчите на теренот, и таа експлодирала меѓу нив, а во близина била и клупата за резервни играчи.
За среќа никој од играчите и присутните на клупата не бил повреден. Индекс.хр пишува дека колегите навивачи на хулиганот го проследиле неговиот „храбар гест“ со скандирање.
