Српската пејачка Гоца Тржан имаше настап за своите обожаватели, а поради помлад обожавател мораше да го прекине концертот за јавно да одговори на неговите барања.
Пејачката Гоца Тржан важи за личност која често гласно ги искажува своите ставови.
Гоца на еден свој настап му „одржа лекција“ на едно момче од публиката кое негодуваше за нејзините песни и бараше да отпее нешто од репертоарот што пејачката го окарактеризира како „денешен минлив тренд во музиката“.
– Пеј нешто за нас – викнало едно момче од публиката.
– Знаеш што, братче, јас не ги знам тие „дрнди мрнди“. Не учев за вечерва, дај ми кец. Има стари песни што можам да ги изведам. Не би сакала да ги набројувам сите бендови во светот, тоа ми е здодевно. Музиката е срце, сè уште доволно не си страдал, па да бидеш повреден, па кога ќе пуштиш нешто добро, тогаш ќе те прашам – рекла Гоца Тржан и предизвикала овации кај публиката, а потоа продолжила да ги пее своите хитови.
