Ѓорѓе Давид зборуваше од Северна Македонија, каде што беше приведен по тешката сообраќајна несреќа во која животот го загуби една жена.
Тежок период поминува рокерот и член на жирито на „Ѕвезда Гранда“, Ѓорѓе Давид, откако минатиот викенд имаше сообраќајна несреќа во Северна Македонија во која налета на жена која се движела по автопат, која подоцна починала.
Музичарот сега се огласи на Инстаграм и објасни дека се уште е во Северна Македонија.
„Не добив документи и не заминав од Македонија. Моите документи се во ОЈО Куманово. Кога ќе ги земам документите и ќе ја поминам границата, прв ќе го објавам“, изјави Ѓорѓе Давид.
Да потсетиме, Обвинителството на Северна Македонија претходно соопшти за тешка сообраќајна несреќа кај Куманово, во која учествувал и Ѓорѓе Давид и во која едно лице загина, а неколку други се повредени.
Според првите информации, прво се судриле два автомобили, „фолксваген поло“ со кумановски регистрации и „фолксваген голф“ со скопски регистерски таблички. Како што се истакнува во соопштението до судирот дошло кога возачот на еден од автомобилите влегол на автопатот во спротивен правец.
„По тој првичен судир, сопатничката од возилото со кумановски регистрации излегла од автомобилот и во тој момент во неа удрил автомобил „опел инсигнија“ со српски регистарски таблички. Од ударот жената се здобила со тешки телесни повреди, од кои починала“, се наведува во соопштението на обвинителството.
