Богдана Ражнатовиќ, сопругата на синот на Цеца, Вељко Ражнатовиќ, се породи завчера на 14 мај и на свет донесе трето момче, на кое младиот пар му го даде името Исаија. Завчера во домот на Цеца на Дедиње се славеше доаѓањето на третиот син, односно внук, а вчера Вељко ги посети сопругата и синот.
Ражнатовиќ го фотографирал својот син додека спиел завиткан во ќебе и фотографијата ја споделил на социјалната мрежа Инстаграм. Го напишал името на својот син и додал три црвени срца.
Сопругата на Вељко, Богдана Ражнатовиќ се породи во приватна болница во Белград, каде сè уште престојува.
Да потсетиме, завчера Вељко и гордата баба Цеца први пристигнаа во породилиштето по породувањето.
– Одиме да ја видиме Богдана, спиеше досега! Му благодарам на Бог, сè е супер! Сè уште сум возбудена. Тоа е најубавото чувство на светот! Бебето е медено, слатко, како крофна! Што се однесува до доаѓањето на новото бебе, сега најважно е снаата да се одмори, да се опорави, за да бидат живи и здрави. Тоа се, секако, одлуки кои се на нив, но, во секој случај, ѝ треба пауза – веднаш рекла насмеаната Цеца.
