Голем шумски пожар на Коринт – Загинаа две лица

Lorita
By Lorita 1 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

Шумскиот пожар што избувна вчера  во областа Коринт, на југот на Грција, поради силниот ветер неконтролирано се шири, а две безживотни тела се пронајдени неколку часа откако беа пријавени за исчезнати, соопшти денеска грчката противпожарна служба.

Станува збор за двајца мажи кои тргнале со мотори за да му помогнат на својот познаник, пренесува Катимерини.

Жителите на неколку загрозени села добија наредба да се евакуираат, а пожарникарите цела ноќ се бореа со огнот.

 

Ангажирани се околу 350 пожарникари, 110 возила, 5 авиони и 4 хеликоптери.

Регионалниот гувернер на Пелопонез, Димитрис Птохос изјави дека пожарот брзо се проширил и излегол од контрола поради многу силните ветрови што дуваше во областа.

– Изгоре голема површина од шумата, но во моментов не можеме да процениме колку хектари. Исто така, изгореа и некои рурални куќи – рече Птохос.Тој додаде дека училиштата во општина Ксилокастро-Евростини денеска нема да работат.

Share This Article