Седмиот тенисер на планетата, Новак Ѓоковиќ, се одмара на брегот во Црна Гора и Хрватска. Неделава тој беше и во Дубровник, каде готвачите и останатиот персонал на еден ресторан го замолија да се фотографира. А истиот ден беше објавено видео каде се гледа дека по капуерата, возејќи скутер и кајак, Ноле испробал и еден од новите екстремни спортови, пишува Нова.
Станува збор за „сурфање со фолија“, каде практично се „плови“ над водата на посебна даска, а чувството е слично на возење на сноуборд.
– Можеш да правиш и јога – му рекол некој на Новак додека тенисерот седел, лизгајќи се по водата.
Овој спорт може да биде опасен, па затоа се препорачува да нема гужви околу сурферите. За некои тој е подобар од сурфањето бидејќи допирате помала површина од даската во вода, што значи дека полесно можете да маневрирате.
