Најдобриот светски тенисер Новак Ѓоковиќ годинава нема повеќе да го гледаме на Ролан Гарос поради повреда на коленото. Одлуката денеска ја соопшти неговиот тим, по вчерашната негова победа која ја извојува со натчовечки напори.
„Со тага можам да соопштам дека се повлекувам од Ролан Гарос. Играв со срце и дадов се од себе на вчерашниот натпревар, но за жал, поради скинат медијален менискус на десното колено, јас и мојот тим моравме да донесеме тешка одлука по внимателно разгледување и консултација. Им посакувам многу среќа на играчите кои се натпреваруваат оваа недела и искрено им благодарам на прекрасните навивачи за сета љубов и поддршка. Се гледаме наскоро“, порача емотивно Ѓоковиќ.
Albanian
English
Macedonian
Turkish
