Патрик Муратоглу, еден од најпознатите тениски тренери, кој во својата кариера работеше со Серена Вилијамс, Симона Халеп, Стефанос Циципас и Холгер Руне, истакна дека за приказната за најдобрата тенисерка на светот треба да се користат само објективни критериуми.
Ако се погледнат овие параметри, според францускиот стручњак, нема сомнеж кој е ГОАТ.
„Единствената мерка за тоа кој е најдобар се титулите. Новак Ѓоковиќ ги победи и Надал и Федерер на сите Грен слем турнири. Освои 23 големи титули, има и најмногу турнири од Мастерс сериите – 38, има шест финални Мастерси и убедливо најмногу недели како број 1 на светската листа. Она што импресионира кај Новак е тоа што и на 36 години има способност да ги освои најголемите титули. Крај на дискусијата“, рече Муратоглу.
Патрик истакнува дека приказните за „убавината на играта“ се бесмислени.
„Вистина е дека можеби тенисот на Новак не е најубав за око, точно е дека не е ни најсакан. Сепак, тоа се субјективни проценки. Објективно, тој е најдобриот тенисер што држел рекет“, заклучи Муратоглу.
