Годишната инфлација измерена во март врз основа на трошоците на живот изнесува 4%, додека во однос на претходниот месец таа пораснала за 0,9%. Кај цените на мало тие бележат пораст од 3,8% на годишно ниво и од 15 на месечно ниво, објави Државниот завод за статистика.
Зголемувањето на инфлацијата во март во однос на февруари е резултат на зголемувањето на трошоците на животот во транспортот за 3,1 %,кај храна и безалкохолни пијалаци за 1,3 %, разновидни стоки и услуги за 0,6 %, рекреација и култура, ресторани и хотели за 0,5 %, облека и обувки за 0,2 %, како и кај алкохолни пијалаци, тутун и наркотици, домување, вода, електрика, гас и други горива, здравје и комуникации за 0,1 %.
Во март 2024 година, во однос на февруари 2024 година, намалување на трошоците на животот е забележано во групата мебел, покуќнина и одржување на домаќинствата за 0,1 %.
Најголем пораст на тошоците на живот има кај домашните услуги и услугите во домаќинството од 21.4%, туристичките аранжмани од 16,2%,воздухопловниот транспорт од 15,1% и услугите за поправка на живеалиштето од 14,2%
Цените на мало во март 2024 година во однос на февруари 2024 година за зголемиле за 1%.
Индексот на трошоците на животот во март 2024 година, во однос на март 2023 година, бележи зголемување од 4,%, а индексот на цените на мало бележи зголемување од 3,8 %.
Најголем пораст на цените во март во однос на истиот месец од претходната година има кај земјодлеските производи од 13,7 %
