Скопје се најде на врвот на ТОП 10 европски градови со средна големина по ефективноста на трошоците во рамки на рангирањето на списанието fDi Intelligence, за минатата година, но на годинашното рангирање веќе не е на списокот.
На списокот што ја прави списанието секоја година се рангираат градовите и регионите во Европа според привлечноста, пријателскиот однос и можностите за странските инвестиори, Скопје е објавено во рамки на текстот за рангирањето на градовите со средна големина за 2023 година.
Списанието за 2024 година ја издвојува посебно Србија во однос на подобрувањето на инвестициската клима и привлекувањето директни инвестиции кои се главни приоритети на владата од 2012 година, што резултираше Србија да стане водечка светска инвестициска дестинација. Србија во последната деценија има привлечено 34 милијарди евра директни странски инвестиции.
Балград се најде на 8 позиција на топ 10 големи градови на иднината кои се пријателски настроени кон инвеститорите.
Според списанието неколку градови од централна и источна Европа се во центарот на вниманието во 2024 година на водечкото рангирање на европските градови и региони на иднината.
Франкфурт во Германија, Вроцлав во Полска, и Луксембург Сити, главниот град на истоимениот округ, се искачија на врвот на нивните соодветни категории: големи градови, градови со средна големина и мали градови.
Лондон го потврди своето лидерство во категоријата големи градови, а го следат Амстердам и Даблин.
Во категоријата мали градови, Луксембург Сити се искачи на врвот на рангирањето.
Помеѓу регионите, Парискиот регион (Иле-де-Франс) победи меѓу големите региони со својата стратегија за промоција на инвестициите. Северна Ирска победи во категоријата региони со средна големина и Среднозападниот регион на Ирска во категоријата мал регион.
Весникот оценува дека севкупно, уделот на Европа во глобалниот колач за СДИ се намали во 2023 година, што претставува приближно 29% од вкупните проекти објавени во 2023 година – помалку од приближно 36% во 2022 година.
Рангирането се прави според перформансите во пет подкатегории: економски потенцијал; бизнис пријателство; поврзување човечки капитал и начин на живот и економичност.
За рангирањето на европските градови и региони на иднината за 2024 година во категоријата „Стратегија за СДИ“ списанието направи анкети со европските агенции за промоција на инвестиции.
