Двајца Николаси, одлични актери, нема што нема да сторат за добра улога.
Па дури и да јадат – бубашваби и инсекти.
Николас Хулт игра во „Ренфилд“, филмот за Дракула со Николас Кејџ во главната улога. Тој го игра придружникот и слуга на на грофот од Трансилванија, Ренфилд. Според многумина, тоа е главната улога во овој филм.
Во актерската екипа се и Бен Шварц, Адријан Мартинез, Шорех Агдашло, Бес Рус и други.
И Ренфилд, како и грофот Дракула, јаде живи суштества, бидејќи верува дека нивната крв ќе го направи бесмртен. Јаде – инсекти.
На снимањето на филмот Хулт морал да се соочи со необичен предизвик, да изеде компирова златица.
Николас Кејџ му помогнал, присетувајќи се на една прилично гадна сцена од снимањето на филмот „Бакнежот на вампирот“ од 1988 година.
Верувале или не, на тоа снимање Николас Кејџ јадел живи бубашваби.
„О да, изедов двапати, бидејќи режисерот го направи тоа само од шега“, му рекол Кејџ на 33-годишниот Холт, објаснувајќи му дека бубашвабата сепак треба да е полоша од компировата златица.
Хулт, пак, се пофали дека штурците што ги изел за филмот „всушност биле прилично вкусни“
Исхраната ориентирана кон инсекти може да го реши проблемот на гладта во светот, изјавил Николас Кејџ за медиумите, но сепак додал дека никогаш повеќе нема да јаде бубашваби.
