Двајцата главни команданти на борците, кои ја бранеа фабриката за челик Азовстал во југоисточниот украински пристанишен град Мариупол, се префрлени на истрага во Русија, јави руската државна агенција ТАСС, пренесе во неделата Ројтерс.
Судбината на стотиците борци заробени од руските сили во мај по повеќемесечна опсада на Мариупол е неизвесна. Москва рече дека тие некогаш биле преместени во одметнати источни украински провинции поддржани од Русија.
Доцна во саботата ТАСС цитираше анонимен извор од руската полиција дека Свјатослав Паламар, заменик командант на баталјонот Азов и Серхи Волински, командант на 36-та поморска бригада на украинските вооружени сили, се префрлени во Русија.
Специјалците ги преместија од Доњецк, источна украинска провинција која Москва ја признава како независна држава, „со цел да спроведат истраги со нив“, ТАСС цитира извор.
„Други офицери од различни украински единици исто така беа транспортирани во Русија“, додаде изворот.
Ројтерс не можеше да ја потврди вистинитоста на наводите, ниту пак веднаш имаше реакција од Киев.
Претходно овој месец, Украина соопшти дека нејзините разузнавачки служби биле во комуникација со заробените борци од фабриката за челик Азовстал. Баталјонот Азов, воена единица формирана во 2014 година од доброволци од екстремно десничарска политичка ориентација за борба против проруските сепаратисти и 36-та поморска бригада беа клучни во одбраната на фабриката за челик.
Киев бара размена на затвореници со Москва со цел борците да се вратат, но некои руски парламентарци бараат некои од борците да бидат изведени пред лицето на правдата. Руските агенции на почетокот на јуни објавија дека повеќе од 1.000 борци на Азовстал биле преместени во Русија на непознати локации за истрага.
Самопрогласените Народни републики Доњецк и Луганск се наоѓаат во индустрискиот регион Донбас во источна Украина, каде Русија се бори да воспостави контрола над областа.
