Доста често сме предупредувани за опасностите од консумирање премногу шеќер, но се чини дека помалку слушаме за тоа како да ја задржиме и контролираме желбата за сол.
Натриумот и хлоридот се два есенцијални електролити кои се комбинираат за да формираат кујнска сол. Електролитите се одговорни за спроведување на електрични полнежи во телото, што доведува до мускулни контракции. Овие хранливи материи исто така играат важна улога во балансот на течности, pH на крвта и функцијата на нервите.
Ако вашето тело „копне за сол“, тоа би можело да биде начин на вашето тело да ви каже дека му снемало хранливи материи од сол, или едноставно може да биде поврзано со вашите навики за јадење или хормони, пишува Real Simple.
Дехидрација
Бидејќи натриумот и хлоридот се неопходни за балансот на течности во телото, дехидрацијата може да предизвика потреба од повеќе сол.
Ова е начинот на кој вашето тело ви кажува да јадете или да пиете повеќе натриум и хлорид што може да помогне да се подобри вашиот статус на хидратација. Покрај тоа што ќе јадете повеќе сол, можеби ќе сакате да пиете повеќе вода за дополнително да ја подобрите вашата хидратација.
Кога сте дехидрирани, може да забележите неколку други симптоми покрај желбата за солена храна: главоболка, намалено мокрење, летаргија и чувство на жед.
Замор
Кога сте лишени од сон, вашиот апетит може да изгледа незаситен и вашата способност да игнорирате привлечна желба станува послаба. Како и со стресот, вашите хормони играат улога овде.
Хормоните кортизол, лептин, грелин и серотонин предизвикуваат глад и ја поттикнуваат вашата желба за храна која прави да се чувствувате добро. Затоа направете се што е во ваша моќ секоја вечер да спиете доволно, пренесува Вечерњи.хр.
ПМС
Предменструалниот синдром може да предизвика низа симптоми, и додека некои може да забележат повеќе емоционални симптоми како што се промени во расположението, други исто така може да забележат промена во апетитот и желбата за специфична солена храна.
Иако не постои добро воспоставена теорија зошто тоа се случува, се смета дека флуктуирачките хормони играат улога.
Стресот
Друга состојба во која се вклучени хормоните може да биде причината поради која копнеете за солена храна – стресот.
Главниот хормон кој му помага на вашето тело да се справи со стресот се нарекува кортизол. Овој хормон се ослободува од вашите надбубрежни жлезди како одговор на стресот и ги менува функциите на телото, крвниот притисок, отчукувањата на срцето, па дури и употребата на гликоза за да му помогне на телото.
Една студија во Journal of Neuroscience сугерира дека луѓето со повисоки нивоа на натриум во крвта, исто така познати како хипернатремија, ослободуваат помалку кортизол кога доживуваат стрес.
Ова може да објасни зошто сакате солена храна за време на стресни времиња, бидејќи јадењето повеќе може да биде еден од начините на вашето тело за управување со стресот.
Зголемено потење за време на вежбање
Редовното вежбање е одлично за вас, а исто така може да ја зголеми вашата желба за солена храна.
Натриумот е електролит кој го напушта телото кога се потите, така што вашето тело бара сол после вежбање за да го замени изгубениот натриум. Ова е причината зошто спортските пијалоци кои содржат електролити се толку популарни.
