Германската владејачка коалиција планира да ги обврзе приватниот и јавниот сектор да ја намалат потрошувачката на енергија за 26,5 отсто до 2030 година, во споредба со 2008 година.
Според пишувањето на медиумите, законот кој го регулира ова прашање треба да биде усвоен месецов.
Лани германската влада, поттикната од загриженоста дека намалените залихи на руски гас може да доведе до недостиг, воведе мерки за штедење, како забрана за загревање вода во приватните базени и охрабрување на вработените да работат од дом.
Германците минатата зима успеаја да заштедат енергија намалувајќи ја потрошувачката за околу 20%, а пред кризата, во периодот меѓу 2008 и 2020 година, заштедата на енергија изнесуваше помалку од 6 отсто.
