Германски воени авиони, стационирани на источното крило на НАТО, заземале борбени позиции 27 пати од август минатата година по предупредувањата за непознат авион во балтичкиот регион, објави во вторникот германското воздухопловство, Луфтвафе.
За време на распоредувањето на авионот, германските сили идентификувале руски воен авион над Балтичкото Море, изјави портпаролот на Луфтвафе.
Се огласи тревога за германски Еурофајтер Тајфуни кога непознат авион се приближи до воздушниот простор на Балтикот без сигнал од транспондер или радио контакт.
Повеќе од 150 германски војници се стационирани во Естонија од август минатата година со цел да го заштитат воздушниот простор на источното крило на НАТО.
Германскиот претседател Франк-Валтер Штајнмаер во среда треба да ја посети воздухопловната база Амари.
Трите балтички држави и членки на НАТО, Естонија, Литванија и Летонија, немаат свои воздушни сили, а НАТО ги користи литванските бази Амари и Сиаулијаи за да го надгледува тој воздушен простор.
Сојузниците на НАТО го ротираат распоредувањето на авиони и персонал во овие бази. Германија учествува во оваа мисија од 2005 година.
