Германија објави дека одлучила да прекине четири инфраструктурни проекти во Република Српска.
Имено, германската федерална влада одлучи да дозволи да истечат четири инфраструктурни проекти со вкупна вредност од 105 милиони евра во ентитетот Република Српска Босна и Херцеговина и сукцесивно да ги заврши.
Според германската амбасада во Босна и Херцеговина, позадината на ова е продолжување на сецесионистичката политика на Република Српска и нејзиниот претседател Милорад Додик.
За оваа одлука беше информирано Министерството за надворешни работи на Босна и Херцеговина и партнерите во проектот.
Станува збор за проекти за рехабилитација на хидроцентралата Требиње, фази III и IV, ветерниот парк Хргуд и отстранување на отпадните води во Градишка. Последно споменатиот проект е предмет на соработка со Швајцарија.
Одлуката, како што се наведува, уследила како реакција на одлуките на Народното собрание на Република Српска од декември 2021 година за враќање на јурисдикцијата и создавање на сопствени институции, со цел слабеење на државата Босна и Херцеговина.
Во април 2022 година, германската влада одлучи привремено да стопира четири инфраструктурни проекти. Сепак, немаше повлекување на сецесионистичките мерки што ги побара германската влада.
Наместо тоа, претседателот и Владата на Република Српска продолжија да ја ескалираат политичката криза. Затоа, германската федерална влада сега одлучи да не ги рестартира суспендираните проекти. Проектите ќе бидат сукцесивно завршени согласно договорот. Оваа одлука не се однесува експлицитно на други проекти од германската развојна соработка кои се реализираат на ниво на Босна и Херцеговина или регионот на Западен Балкан, а со тоа ја вклучуваат и Република Српска, како и за соработка со граѓанското општество.
„Германската влада го поддржува пристапот на Босна и Херцеговина кон Европската унија. Германија е подготвена дополнително да ја интензивира соработката со Босна и Херцеговина, како во Федерацијата БиХ, така и во Република Српска. Основното барање, сепак, е зачувување на мирот, владеењето на правото и територијалниот интегритет на државата Босна и Херцеговина“, наведуваат од германската амбасада во Босна и Херцеговина.
