Функционери на ДУИ, како и бизнисмени и инспектори утринава беа дел од приведените откако полицијата изврши претреси на повеќе локации во Скопје.
Според првичните информации до кои дојде Плусинфо, со оглед на професиите на лицата кои се апсат, очигледно станува збор за криминални дејствија поврзани со даночни проневери и перење пари.
Од МВР кусо ни потврдија дека во моментов се случуваат претреси во домовите и работните простории на приведените во координација со ОЈО ГОКК, а за детали околу кривичните дела на оваа организирана криминална група и приведените лица ќе информираат во текот на денот.
