Француската министерка Марлен Скиапа ќе се појави на насловната страница на априлското издание на магазинот „Плејбој“, поради што е на удар на критичарите.
Интервјуто со владиниот министер на Емануел Макрон ќе опфати дури 12 страници од француското издание и ќе зборува за правата на жените и ЛГБТК луѓето. Иако ќе биде целосно облечена, нејзината одлука да се појави во магазинот „Плејбој“ беше критикувана од одредени политичари, бидејќи тоа доаѓа во време на големи социјални немири поради пензиските реформи на Макрон, пренесува Индекс.
Остра критика
Според пишувањата на медиумите, француската премиерка Елизабет Борн наводно и се јавила и рекла дека позирањето за насловната страница на Плејбој „не е соодветно, особено во сегашните околности“.
На критиките се приклучи и Сандрин Русо, претставник на Зелените, кој упати остра порака до министерот.
„Каде е почитта кон францускиот народ? На луѓето кои ќе треба да работат две години подолго, кои демонстрираат, кои деновиве нема да добијат плата, кои не можат да јадат поради инфлација. Немам проблем со тоа што женските тела се изложени некаде, но има социјален контекст“, изјави таа за ТВ каналот BFM.
Министерката, која е и мајка на две деца, на Твитер им испрати јасна порака на критичарите.
„Ги бранам правата на жените да прават што сакаат со своето тело: секаде и секогаш. Во Франција жените се слободни. Дали им пречи на ретардниците и лицемерите или не“, напиша таа, а нејзиниот пост е прегледан четири милиони пати.
