Владата на Франција планира во наредните години да инвестира огромни финансиски средства во промоција на велосипедизмот во земјата.
Иако велосипедизмот е веќе многу популарен во земјава, надлежните имаат за цел да воведат дополнителни мерки за што поголем број луѓе да користат велосипед.
Француската влада планира да инвестира околу две милијарди евра до 2027 година со цел да го промовира велосипедизмот.
Со оваа инвестиција, која има за цел и намалување на употребата на моторни возила, целта е да се зголеми должината на велосипедските патеки од сегашните 50 илјади километри на 80 илјади километри.
Во Франција просечно годишно се продаваат од три до четири милиони велосипеди.
