Фон дер Лајен во Киев, вели дека ЕУ е цврсто со Украина
Претседателката на Европската комисија, Урсула фон дер Лајен, која денеска пристигна во Киев, ја повтори целосната поддршка на Европската унија за Украина.
„Мило ми е што се враќам во Киев по четврти пат по руската инвазија и овој пат со мојот тим европски комесари“, напиша Фон дер Лајен на Твитер.
Ние сме тука заедно за да покажеме дека ЕУ е цврсто со Украина, додаде таа.
Заедно со Фон дер Лајен, во Киев пристигна и шефот на европската дипломатија, Жозеп Борел и околу 15 европски комесари, кои ќе имаат средби со колегите од украинската влада.
Украина, официјален кандидат за членство во ЕУ, е домаќин на самитот со ЕУ во петок.
