„Путин мора да ја изгуби војната и да одговара за своите постапки, тоа е важно за мене“.
Вака за германски „Билд“ изјави Урсула Фон дер Лајен, претседателка на Европската комисија. Таа се залага Путин да излезе пред Меѓународниот суд на правадата и смета дека нема сомнеж дека во Украина се извршени воени злосторства. Фон дер Лајен го поддржува собирањето докази за постапката.
– Темелите на системот на меѓународното право бараат за таквите злосторства да се одговара и, на крајот на краиштата, за нив е одговорен Путин – додаде претседателката на ЕК.
Запрашана за веројатноста Путин еден ден да биде изведен пред меѓународната правда, таа одговори дека мисли дека тоа е можно.
