Германскиот производител беше принуден привремено да го прекине производството на својот најпродаван модел T-Roc, поради недостиг на делови предизвикани од поплавите во Словенија.
Според официјалните продажни резултати, Volkswagen T-Roc не само што е најпродаваниот автомобил на германската компанија на европскиот пазар, туку и еден од најпопуларните автомобили во Европа воопшто.
Со оглед на овој факт, сосема е јасно дека раководителите на Volkswagen не се премногу среќни што привремено мораа да го прекинат производството на T-Roc во фабриката Autoeuropa лоцирана во португалскиот град Сетубал.
Промо
Како што јави германската агенција ДПА, причина за прекинот на производството е недостатокот на делови од моторот. Оваа агенција доби интерен меморандум испратен до работниците во фабрика во близина на Лисабон. Компактниот кросовер T-Roc, кој е достапен и како кабриолет, нема да се произведува уште неколку недели, почнувајќи од првата половина на септември, пишува Нова.рс.
Volkswagen минатата година произведе 231.000 T-Roc модели, а шпионските фотографии открија дека втората генерација е подложена на опсежни тестирања. Производителот од Волфсбург веќе најави дека T-Roc ќе биде меѓу последните нови автомобили кои ќе се нудат со мотори со внатрешно согорување.
ДПА смета дека ќе биде загрозено и производството на други модели поради недостигот на компоненти на моторот. Се верува дека поплавите во Словенија го погодија добавувачот што произведува делови за T-Roc. Со оглед на тоа што овој кросовер од C-сегментот ја дели MQB платформата со многу други возила на Volkswagen, постои ризик истата судбина да ги снајде и другите сериски автомобили.
