Фиона Мекдоналд, позната ТВ водителка по потекло од Австралија, ја „објави“ својата смрт на Инстаграм во изјава која нејзината сестра ја реобјави.
Имено, нејзината сестра тоа го објави на Инстаграм вчера, 3 октомври.
Фиона Мекдоналд „објави“ дека починала на 67 години, речиси по три години откако ѝ била дијагностицирана болест на моторните неврони (МНД).
Објавата на Инстаграм напишана од водителката „Тоа е нокаут“ (It’s a Knockout), а која ја споделила нејзината сестра Кајли, потврди дека таа починала претходната вечер.
Таа ја започнала оваа емотивна проштална порака со зборовите дека се надева дека сега сè гледа од небото.
„Минатата ноќ завршија многу тешки неколку месеци. Беше многу мирно, момчињата (синовите Хари и Раф) и Кајли останаа со мене за да се збогуваат. Иако никогаш не сакав да умрам, помислата да го напуштам своето измачено тело ми беше олеснување“, пишува, меѓу другото, во пораката.
„Последните неколку месеци беа тешки. Не можев да голтам нормална храна, хранењето со цевка што требаше да ме одржува не функционираше, бидејќи моите црева не можеа да толерираат ниту еден од повеќето видови протеински пијалаци.“
