Министерството за внатрешни работи на Црна Гора најави доаѓање на тим на ФБИ кој ќе учествува и ќе помага во истрагата за сајбер нападите во таа земја.
Како што јави РТЦГ, повикувајќи се на МУП, по средбата на министерот за внатрешни работи Филип Аџиќ и директорот на Полициската управа Зоран Брѓанин со правниот аташе на ФБИ за Црна Гора, Србија и Босна и Херцеговина, Кенет Брајан, доаѓањето на тимот на ФБИ веќе беше одобрено денеска.
„Во моментов се испраќаат во Црна Гора. Ова е уште една потврда за одличната соработка меѓу Соединетите Американски Држави и Црна Гора и доказ дека можеме да сметаме на нивната поддршка во секоја ситуација“, соопштуваат од МВР.
Црногорската влада претходно објави дека информациската инфраструктура на владата е цел на хакерски напад.
Прелиминарните податоци покажаа дека ова се најсофистицираните напади што досега се случиле во Црна Гора и дека се состојат од комбинација на неколку различни методи на напад, се вели во соопштението.
