Бостон ја искористи послабата игра на Далас и победи со 107:89 во првиот натпревар од големото финале во НБА. Лошиот процент на шут од поле и за три поени беа главната причина Далас по трет пат по ред да го загуби првиот натпревар во постсезоната, како што им се случи и претходно против ЛА Клиперс и Оклахома.
Двајца Европејци го одбележаа стартот на големото финале. На Маверикс не им помогна уште една импресивна партија на Лука Дончиќ со 30 поени (12/26 од поле) и 10 скока. Но, Дончиќ уште некое време ќе биде на ТВ, особено неговиот соло пробив во кој постигна гол меѓу дури тројца кошаркари на Селтикс.
Во составот на Бостон како резерва блесна Кристапс Порзингис кој за само 21 минута игра постигна 20 поени дополнети со 6 скока. Покрај тоа, имаше и три блокади, а уште долго ќе се прераскажува како го спречи обидот за забивање на Џош Грин на крајот од првата четвртина.
Вториот меч од финалната серија во НБА се игра во понеделник, во 14 часот по средноевропско време.
