Претседателот на Русија, Владимир Путин, за време на телевизиско интервју облече скап италијански костум.
За време на разговорот со новинарот Павло Зарубин по форумот за современи медицински технологии во средата, Владимир Путин облече костум „Бриони“ кој наводно чини нешто над 8.000 евра.
Претседателот на Русија во еден момент ја крена десната рака и во тој момент јасно се гледаше етикетата на луксузниот бренд.
„Дејли мејл“ тврди дека костумот на италијанскиот производител чини 7.000 фунти или нешто над 8.000 евра.
„Бриони“ е италијанска луксузна куќа за машка облека со седиште во Рим специјализирана за гардероба, кожни производи, чевли, очила и парфеми.
Компанијата е основана во Рим во 1945 година и е позната по организирањето на првото шоу за машка облека во модерната историја.
