Конечно се знае кој ќе го наследи „Грејсленд“, легендарниот имот на музичката легенда Елвис Присли. По смртта на Елвис Присли, „Грејсленд“ ѝ беше оставен на Лиза Мари, единственото дете на кралот на рокенролот, како дел од нејзиното наследство во фондацијата чија контрола ја презема таа во 1993 година, на нејзиниот 25-ти роденден, и стана единствениот сопственик на имотот.
Лиза Мари почина на почетокот на годината, а оттогаш се шпекулираше кој ќе биде следниот наследник на имотот. Беше кажано дека имотот ќе биде поделен помеѓу ќерките на Лиза, Рајли Киу и близнаците Харпер и Финли Локвуд, но „УСА тудеј“ доби документи според кои Рајли е единствениот законски наследник и повереник на имотот.
Да потсетиме, Лиза Мари, единственото дете на Елвис, почина на 12 јануари во болница во Калифорнија на 54-годишна возраст. Присли доживеала срцев удар во нејзиниот дом. Десет години пред нејзината смрт таа рече: „„Грејсленд“ ми беше даден и ќе остане мој засекогаш. А по мене ќе го наследат моите деца. Никогаш нема да го продадеме“.
