Времето денеска ќе биде претежно облачно и посвежо со повремени врнежи од дожд, а на повисоките планини од снег, соопшти УХМР.
„Ќе дува слаб до умерен, а долж Повардарието засилен северен ветер. Кон крајот на денот врнежите ќе престанат, а облачноста ќе се намали. Во Скопје претежно облачно и посвежо со повремени врнежи од дожд. Ќе дува слаб до умерен ветер од северен правец“, се вели во соопштението.
Прогноза за среда
Утрото студено, преку денот сончево со појава на мала облачност. Ќе дува слаб до умерен, а наместа долж Повардарието повремено засилен ветер од северен правец.
Прогноза за четврток
Утрото студено, преку денот сончево со мала до умерена локална облачност. Ќе дува слаб до умерен ветер од северозападен правец.
Прогноза за петок
Утрото студено, преку денот променливо облачно со услови за слаб локален дожд. Ќе дува слаб до умерен ветер од северен правец.
