Владо Калембер, препознатлив по својот глас и по својот изглед, важеше за најголемиот заводник на југословенската музичката сцена. Беше фронтмен на познатите „Сребрени крила“, снимаше дуети со најголемите ѕвезди, разоружуваше со својата насмевка, а жените просто, го обожаваа.
Познатиот хрватски музичар роден во Струмица, и денес на прагот на осмата деценија од животот, активно се занимава со музика и неговиот стил не е променет.
Кариерата ја започна во седумдесетите години, додека врвот на славата го достигна десет години подоцна, во осумдесетите години од минатиот век. Важеше за еден од најзгодните мажи на овие простори, а ако ја погледнете неговата насмевка и денес, ќе сфатите зошто Владо Калембер и ден денес има верни обожавателки.
Пејачот во едно интервју го прокометира статусот на секс симбол што го носи со децении.
– Има многу митови, па тоа е еден од нив. Јас не го доживувам така и не го проживувам. Така што, тоа што се зборува наоколу, тоа е она како за духовите, сите зборуваат за нив, никој не ги гледа. Мислам, убаво е да се слушне тоа, годи, бидејќи на крајот од денот сите сме крвави под кожа – вели Владо Калембер.
Многу жени го посакуваа, но тој срцето и го подари само на една – 30 години помладата хрватска виолончелистка Ана Руцнер со која беa во брак 12 години во кој го добија синот Дариан.
Тој ја основа групата „Сребрени крила“ во 1978 година, а нивните песни и денес се големи хитови.
Некои од најпознатите песни што ги отпеа Владо Калембер се „Вино на уснама“, „Ана“, „Закуни се љубави“, „Ја нисам коцкар, али губим“… Со Лепа Брена пееше и во песната „Југословенка“.
Популарниот Владо Калембер за неколку дена ќе наполни 71 година, а овој факт изненади многу негови обожаватели. Роден е на 26 април 1953 година во Струмица.
