Ритуалот на Никола Јокиќ стана вистински хит на социјалните мрежи, а токму со него тој го започнува загревањето пред секој натпревар.
Имено, Јокиќ пред секој натпревар се загрева со трчање низ ходниците на разни сали во НБА лигата.
Сето тоа го прави со широка насмевка на лицето, а така беше и пред почетокот на петтиот натпревар од првото коло на НБА плејофот против Лос Анџелес Лејкерс.
Денвер вообичаено го споделува овој ритуал на своите мрежи, но сега тоа го направи и НБА.
По само неколку часа, 1,3 милиони луѓе го виделе видеото на Твитер.
„Јокиќ е подготвен да се запали“, напишаа накратко од НБА.