Alphabet Inc. и YouTube треба да ги забранат корисниците кои поттикнуваат воена пропаганда како дел од мерките за спречување на дезинформациите по руската инвазија на Украина, им рече во неделата на извршните директори на двете компании комесарот за внатрешен пазар на ЕУ, Тиери Бретон.
Гугл на Alphabet во саботата и забрани на руската државна медиумска куќа RT и другите канали да примаат пари за реклами на нивните веб-страници, апликации и видеа на YouTube, слично на потегот на Facebook по инвазијата на Украина. Во видео повик со извршниот директор на Alphabet, Сундар Пичаи и извршната директорка на YouTube, Сузан Војчицки, Бретон рече дека двете компании треба да продолжат понатаму.
„Слободата на изразување не ја покрива воената пропаганда. Предолго, содржините од Russia Today и другите руски државни медиуми се зајакнуваат со алгоритми и се предлагаат како „препорачана содржина“ на луѓето кои никогаш не ја побарале“, се вели во соопштението на Бретон. „Воената пропаганда никогаш не треба да биде препорачана содржина – згора на тоа, таа воопшто не треба да има место на интернет платформите. Сметам дека технолошката индустрија ќе преземе итни и ефективни мерки за борба против дезинформациите“, рече тој.
