Турскиот парламент ќе го исполни ветувањето и ќе ја ратификува кандидатурата на Шведска за НАТО доколку администрацијата на американскиот претседател Џо Бајден го отвори патот за продажба на авиони Ф-16 на Анкара, изјави денеска претседателот Реџеп Таип Ердоган, а пренесуваат турските медиуми.
Зборувајќи со новинарите на враќање од азербејџанската ексклава Нахчиван, Ердоган рече дека министерот за надворешни работи Хакан Фидан и американскиот државен секретар Антони Блинкен разговарале за кандидатурата на Шведска за членство во НАТО минатата недела во Њујорк.
Американската администрација ја поврзува продажбата на борбени авиони Ф-16 на Турција со ратификацијата на шведската кандидатура од страна на Анкара, тврди Ердоган.
Унгарскиот премиер Виктор Орбан вчера изјави дека унгарскиот парламент не брза да го ратификува барањето на Шведска за влез во НАТО.
