Легендарниот музичар Елтон Џон се прости од британската публика во неделата вечерта на сцената на легендарниот фестивал во Гластонбери, на југозападот на Англија.
„Ова е многу посебна и емотивна вечер за мене, ова е можеби мојот последен настап во Англија, во Велика Британија, па сакам да се снајдам добро“, изјави Елтон Џон на почетокот на својот настап на Гластонбери.
По неколку големи хитови Елтон Џон го избра својот познат хит од 1974 година „Don’t Let The Sun Go Down On Me“ да му го посвети на својот голем пријател и легенда, пејачот Џорџ Мајкл кој вчера имаше 60-ти роденден.
Елтон му ја подари песната со трогателни зборови на својот покоен пријател кој почина на 53-годишна возраст во декември 2016 година.
„Денес е многу, многу посебен ден и се прашувам како ќе му пристапам. Еден од најфантастичните британски пејачи и текстописци беше Џорџ Мајкл. Тој ми беше пријател, беше инспирација, а денес ќе му беше 60-ти роденден, па сакам да му ја посветам оваа песна. Целата музика што ни ја остави е толку убава. Ова е за тебе Џорџ“, рекол Елтон Џон.
Потоа ги извадил познатите очила за да си ги избрише солзите.
И тоа беше само едно од многуте изненадувања кои Елтон ги донесе на сцената на легендарниот фестивал кој го одбележа неговиот последен настап во Велика Британија.
Песната „Don’t Let The Sun Go Down On Me“ честопати ја изведуваа заедно Џорџ Мајкл и Елтон Џон.
