Настаните во Црвеното Море и регионалните конфликти го чинеа Египет околу седум милијарди долари приходи од Суецкиот канал оваа година, изјави во четвртокот египетскиот претседател Абдел Фатах ал-Сиси.
Египет изгуби повеќе од 60 отсто од приходите од каналот во 2024 година во споредба со 2023 година, додаде Сиси во својата изјава, без да образложи детали за случувањата во регионот.
Јеменските Хути извршија речиси сто напади на бродови кои го преминаа Црвеното Море во знак на солидарност со Палестинците во израелската војна во Газа, која трае повеќе од една година.
Нападите ги принудија бродските компании да ги пренасочат бродовите од Суецкиот канал на подолги рути околу Африка, нарушувајќи ја глобалната трговија со одложување на испораките и зголемување на трошоците.
