Едно лице загина, а седум се повредени вчера во јужната турска провинција Анталија, откако жичарница удрила во скршен столб, соопшти канцеларијата на локалниот гувернер и една телевизија.
На социјалната мрежа Х, гувернерот објави дека повредените се пренесени на лекување во блиските болници и дека 24 кабини на жичарницата се суспендирани во воздухот.
Единиците за спасување за итни случаи евакуираа 40 лица од седум кабини на жичарница, а продолжуваат напорите за евакуација на уште 134 лица заглавени во други кабини, соопшти канцеларијата на гувернерот.
На местото на настанот се испратени хеликоптери и други возила за евакуација на линијата на жичарницата.
Според информациите на веб-страницата, жичарницата има 36 кабини со капацитет од по шест лица, а искачувањето до објектот Тунектепе со панорамски поглед на градот Анталија трае во просек девет минути.
