Американскиот центар за контрола и превенција на болести (ЦДЦ) издаде безбедносно предупредување по појавата на инфекции со Е.коли пронајдена во хамбургерите од Мекдоналдс Quarter Pound. Според британски Sky News, едно лице починало, а десет се хоспитализирани поради инфекцијата.
49 луѓе биле заразени со бактерија E.coli во 10 американски држави. Според Sky News, најмногу случаи (27) биле во Колорадо, а заразени биле и жителите во сојузните држави Ајова, Канзас, Мисури, Монтана, Небраска, Орегон, Јута, Висконсин и Вајоминг.
Според ЦДЦ, повеќето од заразените јаделе хамбургери од Мекдоналдс Quarter Pound, а истражувањата покажуваат дека бактеријата најверојатно била во исечен кромид.
Тие, исто така, објавија дека Мекдоналдс престанал да користи кромид и говедски колачи за хамбургерот Quarter Pound во неколку држави додека не заврши истрагата.
Симптоми кои можат да се појават поради инфекција со E.coli се грчеви во стомакот, повраќање, дијареа и треска. Тие се појавуваат околу три или четири дена по инфекцијата. Кај некои болеста има благи последици, но кај други може да настанат сериозни проблеми со бубрезите.
ЦДЦ предупредува дека инфекцијата може да избие и на друго место во Соединетите држави, а исто така советува заразените да побараат итна медицинска помош.
Мекдоналдс, чии акции паднаа за шест проценти по инфекцијата, рече дека неговата примарна мисија е да ги зачува клиентите безбедни и дека ќе продолжи да работи со ЦДЦ.
