Напаѓачот на Баерн Минхен, Серж Гнабри ќе паузира неколку недели поради фрактура на долниот дел од левата рака на почетокот на натпреварот од Купот на Германија во вторник, објави клубот во средата.
Баерн на гостински терен убедливо со 4-0 го совлада третолигашот Преусен Минстер.
Германскиот репрезентативец се повреди при судир со голманот на Минстер, Јоханес Шенк.
Серж ќе има операција денеска и ќе биде надвор од теренот неколку недели“, изјави тренерот Томас Тухел по натпреварот.
Гнабри на тој начин ќе ги пропушти натпреварите на Баерн во германската Бундес лига и Лигата на шампионите, како и следните натпревари на германската репрезентација во средината на октомври против САД и Мексико.
