Од 02 јануари до вчера (о8.01), од тестирани 2.063 за присуство на ковид-19, регистирани се 238 позитивни случаи, се наведува во извештајот од Институтот за јавно здравје.
Новозаболените се од 23 градови во земјава и се 6,3 отсто помалку во споредба со претходната недела.
Во текот на минатата недела пријавени се 87 реинфекции, како и двајца починати, пациент од Велес на возраст од 60 години и скопјанец на 90-годишна возраст.
Во текот на последната недела од 2022 година (од 26 .12. до 01.01.), пријавени се 347 заболени од грип, односно 96 отсто повеќе во споредба со претходната недела.
Најмногу заболени од грип има кај децата на возраст од 5 до 14 години.
