Две тела се пронајдени во опожарен стан во центарот на Нови Сад, објави српски Курир.
Пожарникарите наводно при гаснење на пожарот пронашле тела на двајца мажи, од кои еден имал 19 години.
Пожарот избувнал на поткровјето на зградата.
Противпожарната служба, полицијата и екипите на брзата помош сѐ уште се на терен, а брзата помош му укажува помош на едно лице.
Според очевидци, чад излегувал на сите страни, а пожарникарите успеале да го локализираат пожарот. Соседите виделе како млад човек влегува во станот каде што избувнал пожарот.
Оттаму додаваат дека пожарот го пријавил доставувач на храна. Според нив, тој видел чад пред да избие пожарот и веднаш ги повикал пожарникарите кои бргу дошле и ја скршиле вратата од станот.
За жал, немало спас за двајцата мажи.
Причината за нивната смрт ќе се утврдува подоцна.
