Двајца Палестинци се убиени во текот на ноќта во окупираниот град Наблус на Западниот Брег, соопшти во неделата палестинското Министерство за здравство, во, како што соопшти израелската армија, пукање од огнено оружје.
Израелската армија соопшти дека извршила операции и употребила жив оган на неколку локации, вклучително и Наблус, додавајќи дека уапсила „четири лица осомничени за вмешаност во терористички активности“, пренесува АФП.
Израелските безбедносни сили започнаа речиси секојдневни операции на Западниот Брег по серијата напади во Израел во последните месеци. Израел го окупираше Западниот Брег во 1967 година.
Палестинското Министерство за здравство соопшти дека Мухамед Азизи (25) бил застрелан во градите, додека Абдул Рахман Џамал Сулејман Соб (28) бил застрелан во главата во текот на ноќта.
Шест други се ранети, меѓу кои двајца потешко, се вели во соопштението.
Albanian
English
Macedonian
Turkish
