Двајца наши државјани кои се наоѓаа во камп во Маракеш, по катастрофалниот земјотрес што го зафати Мароко, се пристигнати во Мадрид, Шпанија, и се во добра здравствена состојба, соопшти македонското Министерство за надворешни работи.
Се очекува тие да се упатат кон своите домови во многу скоро време.
„Во изминативе два дена нема нови пријавени наши државјани во Маракеш. Нашето Дипломатско конзуларно претставништва во Каиро продолжува да биде во комуникација со надлежните институции во Мароко, за евентуални други наши државјани во погодените региони“, соопшти МНР.
Министерството за надворешни работи ги повикува сите државјани на Северна Македонија кои во моментот се наоѓаат во Мароко и имаат потреба од конзуларна асистенција, да се јават на дежурниот телефон на Амбасадата во Каиро +20 103 361 5542 и СОС телефонот на Министерството за надворешни работи 075/ 273- 732.
