Американски војници можеби биле убиени во руски напад врз два системи за противвоздушна одбрана „Патриот“ од американско производство во Покровск во Доњецк, изјави за РИА Новости Михаил Шеремет, пратеник во руската Дума. Тој го темели своето тврдење на можноста американски воени специјалисти да биле тајно испратени во Украина за да го сервисираат овој технички напреден систем.
– За време на уништувањето на системот за противвоздушна одбрана „Патриот“, можеби биле убиени и припадници на американската војска – рече тој, но не понуди докази за тврдењата.
Портпаролот на Пентагон за „Њузвик“ го демантираше ова:
– Можам да потврдам дека нема повредени во САД бидејќи немаме американски војници во борбата.
Руското Министерство за одбрана првично објави видео во кое првично рече дека е извршен удар врз ракетен систем С-300 во Покровск со ракети „Искандер“.
Но, украинските и руските медиуми потоа се повикаа на извештај на магазинот „Форбс“ во кој се вели дека „два од лансерите „Патриот“ видливи со око експлодирале и речиси сигурно ги убиле нивните екипажи“, по „директен удар на украинскиот конвој од потенцијално стотици милји подалеку“.
Ескпертот Станислав Капивник за РИА Новости вели дека една батерија американски противвоздушни системи обично ја опслужуваат од 20 до 30 луѓе но дека тоа може да бидат разни трупи на НАТО, не само американски.
– Најверојатно, системот за противвоздушна одбрана „Патриот“ бил опслужуван од американски воен персонал. Меѓутоа, таму би можеле да бидат и други трупи на НАТО. На пример, овие системи ги користат и Германците… Нема да ме изненади ако се покаже дека таму биле и Британците, бидејќи минатиот пат „Тоа беше група Англичани кои беа уништени заедно со Патриотот“ – рече тој.
Ова беше првпат во војната Русија да може да погоди компоненти на системите за противвоздушна одбрана што ги испорачува САД, се вели во извештајот на „Форбс“.
Системите „Патриот“ пристигнаа во Украина во април 2023 година, а нивната способност да гаѓаат авиони, крстосувачки ракети и балистички ракети со помал дострел истрелани од Русија, додаде дополнителна димензија на борбата на Киев против агресијата на Москва.
Во последниве недели, мобилните фрлачи, заедно со радарите, командните станици и повторното полнење на проектили, се заслужни за соборувањето на најмалку десетина руски ловци-бомбардери.
„Форбс“ пишува дека ако се потврди дека Русите ги погодиле системите „Патриот“ тогаш „Украинците изгубиле – во една несреќа – до 13 проценти од нивните лансери „Патриот“, или седум проценти ако украинските батерии имаат по осум фрлачи“.
