Два авиони од времето на Втората светска војна се судрија во воздух денеска за време на комеморативен настан во Далас по повод Денот на ветераните. Засега нема информации за жртви во несреќата.
– Не е познато колку луѓе имало во авионите кога Боинг Б-17 „Летечка тврдина“ и Бел П-63 „КингКобра“, се урнаа по судирот околу 13.20 часот по локално време (20.20 по средноевропско време) – изјавија од Федералната управа за авијација.
По судирот, делови од леталото паднале на земја, предизвикувајќи пожар во близина. На местото се 40 противпожарни екипи.
Сведоците велат дека остатоците сега се расфрлани по автопатот 67 во Тексас.
