Руската рубља и покрај валутните ограничувања, денеска на Московската берза ги надмина повеќегодишните највисоки вредности во однос на еврото и доларот.
Курсот на доларот на аукцијата падна на 57,85 рубљи. Ова е најнискиот курс од април 2018 година.
Курсот на еврото падна на 59,97 рубљи, што е најниско ниво во последните пет години. Последен пат европската валута падна на такви вредности во април 2017 година.
Според РИА Новости, растот на рубљата е поврзан со „невообичаено силен платен биланс на Русија“, валутните ограничувања на Централната банка и подготовка на компаниите за даночни плаќања на 25-27 мај.
