Многу луѓе сакаат да пијат чај, а некои го пијат како замена за кафе, имајќи предвид дека многу чаеви содржат значително помалку кофеин. Различни здравствени придобивки се поврзани со пиење одредени видови на чај, а д-р Тим Бон верува дека редовното консумирање црн чај може да помогне во заштитата на срцето и намалување на крвниот притисок.
„Се чини дека уживањето во шолја црн чај има придобивки за срцето и крвниот притисок, благодарение на малку познатото, но моќно соединение наречено теарубигин“, истакнува Бон, пренесува Express.
Тој додава дека црниот чај содржи теарубигин, кој е вид на флаван-3-ол во флавоноидната група полифеноли, познат по своите моќни антиоксидантни и антиинфламаторни својства. „Здравствените придобивки од теарубигинот вклучуваат ефекти врз крвните садови, намалување на воспалението, релаксирање на мазните мускули и проширување на артериите“, објаснува тој.
Освен што го штити срцето, соединението теарубигин влијае и на крвниот притисок. Бон истакнува дека „крвниот притисок е една од клучните области на здравјето на кои може да влијае теарубигинот“.
Тој објаснува дека сварениот црн чај може да содржи 115 mg флаван-3-ол на 100 грама. „Во црниот чај, теарубинините сочинуваат дури 70 проценти од флаван-3-ол, или 81,3 проценти на 100 грама“, додава тој и заклучува дека црниот чај треба да се пие што почесто, пренесува „Експрес“.
