Републичкиот хидрометеоролошки завод денеска издаде предупредување за претстојниот топлотен бран.
На почетокот сме на период кој ќе означи прилив на многу топол воздух од северот на Африка кон нашето подрачје. Вредности на максималните температури по ден:
– денеска (18.06.) од 32 до 35 °C
– Среда (19.06.) од 35 до 38 °C
– четврток (20.06.) од 33 °C на северозапад до 39 °C на југ и исток од Србија
Во петок и сабота (21 – 22 јуни) врв на топлотниот бран со максимални температури од 35 до 40 °C.
Во сабота попладне на север и запад и во недела (23 јуни) во другите региони температурата ќе опадне и ќе се врати на вредностите во интервал од 28 до 34 °C“, стои на веб-страницата на РХМЗ.
Високите температури на воздухот со себе носат дехидрација, но за жал и низа други опасности по здравјето. Во продолжение прочитајте кои се симптомите на сончев и топлотен удар.
Сончев удар
Кога зборуваме за сончев удар, зборуваме за еден вид топлотен удар.
Симптомите се главоболка, зуење во ушите, слабост, гадење и повраќање, вртоглавица, црвенило. Ако е потешка форма, може да доведе до ступор и несвестица. Може да се јави и плитко дишење и забрзано чукање на срцето, а во најтешките случаи може да биде загрозен животот на пациентот.
Како да му помогнете на лице со сончев удар?
Задолжително прво преместете го болниот во разладена просторија или во најблиската сенка, отстранете ја вишокот облека, ставете му завои на главата и дајте му вода да пие.
Топлотен удар
Губењето на контролата на телесната температура предизвикано од високите температури е топлотен удар. Во оваа состојба, температурата на телото може да се зголеми за само 10 минути до 40,5 °C или повеќе, а пулсот многу се забрзува. Ако не се препознае на време, топлотниот удар може да биде опасен по живот.
Симптоми на топлотен удар се црвена и топла кожа која не се пот, силна главоболка, вртоглавица, висока температура, несвестица и губење на свеста.
Доколку некој доживеал топлотен удар, веднаш префрлете го во сенка, ставете го во лежечка положба, а доколку е во несвест, ставете го на страна, кренете ги нозете над нивото на главата и полијте го со вода. Контролирајте ја температурата и повикајте брза помош.
Превентивно
Најдобро би било да избегнувате да бидете на отворено помеѓу 9 и 17 часот. Доколку сепак морате да излегувате на сонце, пијте многу течности, носете лесна облека и задолжително заштитете ја главата, пишува Danas.rs.
