Глобалната побарувачка на нафта ќе достигне врв до 2029 година и ќе почне да опаѓа следната година, објави Меѓународната агенција за енергија.
Според агенцијата капацитетот за снабдување со нафта значително ќе ја надмине побарувачката до крајот на деценијата.
Енергетскиот надзор со седиште во Париз предвидува дека капацитетот за снабдување ќе достигне речиси 114 милиони барели дневно до 2030 година, или цели 8 милиони барели дневно над прогнозата за побарувачката во нејзиниот годишен извештај за нафта.
– Проекциите на овој извештај, врз основа на најновите податоци, покажуваат голема прекумерна понуда во оваа деценија, што сугерира дека нафтените компании можеби ќе сакаат да се уверат дека нивните деловни стратегии и планови се подготвени за промените што се случуваат – изјави извршниот директор на ИЕА Фатих Бирол, пренесоа странските медиуми.
